冇乜人知我冇乜講過
當年的黑紙，我係儲足架
唔係一批咁買，開始時每個月要去G.O.D先買到
後來自己搞網片學舌鳥
做得最好最多人識既日子，同時發現户口100蚊都㩒唔出
之後林日曦親自打俾我（受寵若驚）叫我打工，因為佢地想搞個毛記電視
所以我就係葵涌暗地𥚃試Run「六點半左右新聞報導」，個幾月嚟每日拍每日剪
奈何到臨近毛記Launch既日子，我都仲係同腦細們無法達成創作共識，仲有啲不歡而散
結果呢？
結果我入咗去CapTV，成就另一件事
結果佢地搞到上埋市
琴日大鬧港交所，我覺得簡直係行為藝術，型到爆
一直冇講，因為佢哋愈搞愈勁，唔想搶光環
今時今日已經勁到咁，都唔算搶了，講都ok掛我諗
真心佩服佢地。
P.S.以上內容，都係拍完《哪一天》到上映前做的，而唔係好多人誤會我係拍網片出身入行做電影。
Search